Aqtóbede respýblıkalyq baǵyttaǵy barlyq tasjol ýaqytsha jabyldy

AQTÓBE. KAZINFORM – Óńirde jel kúsheıip, qar aralas jańbyr jaýyp tur. Respýblıkalyq, sonymen birge oblystyq mańyzy bar joldarǵa shekteý qoıyldy.

Aqtóbe oblystyq PD baspasóz qyzmetiniń habarlaýynsha, joldar boran basylǵanǵa deıin jabyq bolady.

- Polıtsııa qyzmetkerleri táýlik boıy qyzmet etip, jol qaýipsizdigi men qoǵamdyq tártipti qamtamasyz etip tur. Júrgizýshiler men jaıaý júrginshilerden qaýipsizdik talaptaryn qatań saqtaýdy jáne alys jolǵa shyqpaýdy suraımyz,- dep habarlady oblystyq PD baspasóz qyzmeti.

Aqtóbe oblystyq TJD baspasóz qyzmetiniń habarlaýynsha, respýblıkalyq mańyzy bar Samara-Shymkent, Aqtóbe-Orsk, Aqtóbe – Oral – RF shekarasy, Qarabutaq – Qostanaı oblysy shekarasy men oblystyq Dóń – Badamsha – Aqtóbe – Orsk, Shubarqudyq – Oıyl – Qobda – Sol-Iletsk, Aqtóbe – Bolgarka – Shubarqudyq tasjoly jabyq. Bul jolda barlyq kólikke shekteý qoıyldy. Al Aqtóbe – Qyzylorda, Aqtóbe – Atyraý – RF shekarasy jolynda júk jáne qoǵamdyq kólikter ýaqytsha júre almaıdy.

Aıta keteıik, kúnniń buzylýyna baılanysty elimizde birneshe baǵyt boıynsha qozǵalysqa shekteý qoıyldy. Olardyń arasynda Qostanaı men Aqmola oblystary arqyly ótetin respýblıkalyq tasjoldar bar.