Aqtóbede reseılik nómirli kólikterdi urlap satqan top ustaldy
AQTÓBE. QazAqparat - Aqtóbede kólik urlap, satqan top anyqtaldy. Olardyń alty iske qatysy bolýy múmkin, dep habarlaıdy QazAqparat tilshisi.
Aqtóbe oblystyq polıtsııa departamenti kólik urllyǵyna qatysty keshendi jumys júrgizdi. Іzdeý jumystary kezinde kólikti urlap, satyp júrgen top ustaldy. «Eki jigit túnde kópqabatty úılerdiń aýlasynda turǵan reseılik markaly kólikterdi aıdap áketip, ony kórshiles Batys Qazaqstanǵa aparyp satyp otyrǵan. Qazirgi kezde olardyń alty kólikti urlaǵany belgili bolyp otyr. Barlyq is boıynsha Qylmystyq kodekstiń «Avtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý» babymen sot aldy tergeý júrip jatyr», -dep habarlady oblystyq PD baspasóz qyzmetiniń jetekshisi Erbolat Sarqulov. Kúdiktiler ýaqytsha tergeý ızolıatoryna qamaldy.
