Aqtóbede Reseıden kelgen stýdentterden koronavırýs ınfektsııasy anyqtaldy
Aqtóbe oblysy boıynsha sońǵy táýlikte 16 adamnan indet anyqtaldy. Qazir barlyǵy 43 bolyp tur. Onyń 10-y em qabyldap, úıine jiberildi.
«Іndetke shaldyqqan adamdardyń 25-i syrttan kelse, ózgesi sol adamdarmen baılanysta bolyp, juqtyryp aldy. Sońǵy táýlikte tirkelgen derekke keler bolsam, olardyń tórteýi ǵana aqtóbelik. Ózgesi elimizdiń birneshe óńiriniń turǵyny», - dedi oblystyq densaýlyq saqtaý basqarmasynyń basshysy Áset Qalıev.
Aıta keteıik, vırýs juqtyrǵandar arasynda bireýi vahtalyq jumyspen jumys istegen áıel. Onyń otbasy karantınge jatqyzylyp, ózi ınfektsııalyq aýrýhananyń boks palatasyna jetkizildi.
«Keshe Máskeý, Kazan, Ýfa qalalarynan stýdentter kelgen bolatyn. Sol stýdentterdi tekserý barysynda 9 adamnan koronavırýs ınfektsııasy anyqtaldy. Olar Nur – Sultan, Túrkistan, Almaty qalalaryń turǵyndary. Barlyǵy arnaıy boks-palatada jatyr. Vırýsqa qarsy em júrgiziledi. Jaǵdaıy qanaǵattanarlyq», - dedi Áset Qalıev.
