Aqtóbede Reseı azamatynan para alǵan eki polıtsııa qyzmetkerine qatysty sot otyrysy bastaldy
AQTÓBE. QazAqparat - Aqtóbede Reseı azamatynan para alǵan eki polıtsııa qyzmetkerine qatysty sot otyrysy bastaldy. Olar 15 myń teńge para alǵan, dep habarlaıdy QazAqparat tilshisi.
Búgin №2 Aqtóbe qalalyq soty polıtsııa qyzmetkerlerine qatysty qylmystyq isti qarady. Іs materıaldaryna súıensek, ótken jyly qyrkúıek aıynda eki polıtsııa qyzmetkeri aldyn ala kelisip, aqyldasyp, Reseı azamatynan 15 myń teńge para alǵan.
«Qylmystyq kodekstiń «Para alý» baby boıynsha eki polıtsııa qyzmetkeri sot aldynda jaýap berip jatyr. Olar aldyn ala sóz baılasyp, para alǵan»,- dedi oblystyq sottyń baspasóz qyzmetkeri Ilıada Dosova.
Sot ashyq ótip jatyr. Biraq polıtsııa qyzmetkerleriniń qorǵaýshylary tilshilerdi zalǵa kirgizýden bas tartty. Para alǵan tártip saqshylary tergeý kezinde óz isterin moıyndaǵanymen, sot aldynda barlyq jaýaptan bas tartyp otyr.
