Aqtóbede relsten shyǵyp ketken tsısterna ishinde janar-jaǵarmaı bolǵan
AQTÓBE. QazAqparat – Aqtóbe oblysy aýmaǵynda 22 vagon relsten shyǵyp ketti. Tsısterna ishindegi janar-jaǵarmaı tógildi, dep habarlaıdy QazAqparat tilshisi.
Aqtóbe oblysy, Shalqar aýdany Ulpan stantsııasynda 22 vagony relsten shyǵyp ketti . Jedel túrde oqıǵa ornyna «QTJ» UK AQ-nan 65 qyzmetker jáne 2 qalpyna keltirý, 2 órt sóndirý poıyzy, tótenshe jaǵdaılar departamentinen 9 qyzmetker men 3 birlik tehnıka jumyldyryldy.
«Relsten shyqqan 13 tsısternanyń jeteýindegi benzın, dızeldi otyn men kerosın tógildi. Rels boıyndaǵy elektr togy sóndirildi, órt shyqpas úshin tótenshe jaǵdaılar qyzmeti arnaıy kóbik shashty. Endi eki rels baǵytynyń birin qalpyna keltirip, jolaýshylar qatynasyn jandandyrý qajet. Mamandar qalpyna keltirý jumysyn jalǵastyryp jatyr», - dedi oblystyq TJD bastyǵy Marǵulan Amanbaev.
