Aqtóbede «Ramazan» qus fabrıkasynyń qoımasy órtendi

AQTÓBE. KAZINFORM — Qoımada karton jandy. Órt sóndirýshiler 2 gaz ballonyn alyp shyqty. 

Oqıǵa Aqtóbe qalasy Almaty aýdany Jaryq turǵyn alabynda boldy. Órt týraly habarlama saǵat 06:33–te túsken.

— Órt bolǵan kezde qoımada karton ónimderi bolǵan. Munda qus pen jumyrtqa joq. Órttiń aýdany — 600 sharshy metr. Qabyldanǵan sharalardyń nátıjesinde japsarlas salynǵan qoımaǵa órttiń taralýyna jol berilmedi. Órt saǵat 07:45–te sóndirildi, — dedi Aqtóbe oblysynyń TJD ÓSKQ jedel kezekshisi Qanat Naǵymov.

Onyń aıtýynsha, ǵımarat ishinen 2 gaz ballony syrtqa shyǵaryldy. Adam zardap shekpedi. Ázirge órttiń neden shyqqany belgisiz.

Aıta keteıik, 21-aqpanda Qostanaı oblysyndaǵy kolledjde bolǵan órt saldarynan er adam qaza tapty. Qazirgi ýaqytta sot-medıtsınalyq saraptama taǵaıyndaldy.