Aqtóbede pyshaq jaraqatynan kóz jumǵan mektep túleginiń kim ekeni anyqtaldy
AQTÓBE. QazAqparat -Aqtóbe qalasyndaǵy №19 orta mektep túlegi pyshaq jaraqatynan kóz jumdy. Azat Dúsipov emtıhan tapsyryp, UBT-ǵa daıyndalyp júrgen, dep habarlaıdy QazAqparat tilshisi.
Aqtóbe qalasyndaǵy qaılyǵy oqıǵa Týrgenev kóshesinde boldy.
Pyshaq jaraqatyn alǵan Aqtóbe qalasyndaǵy fızıka-matematıka mektep-ınternatynyń túlegi qazir aýrýhanada em qabyldap jatyr. Al qaza bolǵan Azat Dúsipovtyń ata-anasy balasynyń denesin aýylǵa alyp ketken.
Azat Dúsipov №19 mektepti bitirdi. Mektep túleginiń áleýmettik jelidegi paraqshasynda sońǵy jazbalary saqtalǵan. Ol: «Osymen 11 jyl ótti de ketti. ENT. Kút 140 bal» dep jazba qaldyrǵan. Al ózge sýrette mektep túleginiń dostary men týystary kóńil aıtyp, ózine kóp nárse aıtyp úlgermegendigin eske alǵan.
Aıta keteıik, oblystyq ІІD oqıǵany rastaǵanymen, aqparatty qaı ýaqytta beretinderin naqtylamady.
