Aqtóbede psıhotroptyq zattar satqan adam 7 jylǵa sottaldy
ASTANA.KAZINFORM - Aqtóbede sot psıhotroptyq zattardyń zańsyz aınalymymen aınalysqan jergilikti turǵynǵa qatysty úkim shyǵardy. Bul týraly Bas kólik prokýratýrasy habarlady.
Turaqty jumys orny joq er adamnyń ınternet-resýrstar men Telegram messendjeri arqyly belgisiz tulǵalarmen sóz baılasqany anyqtaldy. Ol qala aýmaǵynda «jasyryn oryndar» (betpe-bet kelmeıtin ádis) arqyly psıhotroptyq zattardy ótkizýdi uıymdastyryp, árbir salynǵan zat (zakladka) úshin aqy alyp otyrǵan.
Sot kináli adamǵa jazasyn qylmystyq-atqarý júıesiniń ortasha qaýipsizdik mekemesinde óteýmen 7 jylǵa bas bostandyǵynan aıyrý jazasyn taǵaıyndady. Úkim zańdy kúshine engen joq.
Kólik prokýratýrasy esirtki jáne psıhotroptyq zattardyń zańsyz aınalymy úshin qatań qylmystyq jaýaptylyqtyń qarastyrylǵanyn eskertedi jáne azamattardy qyraǵy bolýǵa shaqyrady.
Semeıde psıhotroptyq zattardy jetkizýge qatysqan stýdent 5 jylǵa sottalǵan bolatyn.
Jambyl oblysynda dárihana jelisi arqyly psıhotroptyq zat taratqan top ustaldy.