Aqtóbede psıhotropty dárilik zattardy zańsyz satqandar ustaldy
AQTÓBE. KAZINFORM – Aqtóbede tek retseptpen satylatyn dáriger men psıhotropty zattardy zańsyz satqan eki kúdikti ustaldy. Olardan aqsha men dári-dármek tárkilendi.
Aqtóbe oblystyq polıtsııa departamenti Esirtki qylmysyna qarsy is-qımyl basqarmasynyń qyzmetkerleri eki turǵyndy ustady. Olardan dárigerdiń retsepti boıynsha ǵana satylatyn dári-dármek tárkilendi.
– Kúdiktiler turǵan páterdi tintý kezinde polıtseıler aqsha, sondaı-aq retseptpen ǵana satylatyn myńnan astam dári-dármek jáne psıhotropty zattar tárkilendi. Ustalǵandardyń aıtýynsha, olar dári-dármekterdi psıhotropty zattardy qoldanatyn adamdarǵa satqan. Eki kúdikti de esirtkige elitken kúıinde bolǵan. Bul saraptama kezinde anyqtaldy. Olarǵa qatysty ákimshilik hattama toltyryldy, - dep habarlady Aqtóbe oblystyq PD baspasóz qyzmeti.
Aıta keteıik, Aqtóbede qarý kezenip, fotoǵa túsken, keıin ony áleýmettik jelige júktegen bir top jasóspirim anyqtaldy. Polıtsııa olardy esepke aldy.