05:30, 15 Qańtar 2020 | GMT +5
Aqtóbede prokýrorlar múgedekterdiń quqyǵyn qorǵap, zańsyz tólegen salyǵyn qaıtardy
AQTÓBE. QazAqparat - Aqtóbe oblystyq prokýratýrasy múgedekter tólegen salyqty keri qaıtardy, dep habarlaıdy QazAqparat tilshisi.
Salyq kodeksi boıynsha múgedekter baj salyǵynan bosatylǵan. Prokýratýra tekserip, múmkindigi shekteýli jandardyń quqyqtary buzylǵanyn anyqtady.
«Máselen ІІ top múgedegi jyljymaıtyn múlik rásimdep, 60 myń tenge memlekettik baj salyǵyn tólegen. Salyq kodeksiniń 622-babyna sáıkes ol mundaı bajdy tóleýden bosatylǵan.
Jalpy oblys boıynsha qate tólengen, eseptelgen salyq somasy 3 mıllıon teńgege jýyq. Barlyǵy 2 154 múgedektiń quqyǵy buzylǵan» dep habarlady oblystyq polıtsııa departamentiniń baspasóz qyzmeti.