Aqtóbede prokýratýra muǵalimderdiń issapar shyǵynyn óndirip berdi

AQTÓBE. QazAqparat – Aqtóbe oblystyq prokýratýrasy bilim salasyndaǵy issapar shyǵynynyń tólenbegenin anyqtady. Qaryz 59 mıllıon teńgege jetken, dep habarlaıdy QazAqparat tilshisi.

Oblys prokýratýrasy bilim berý salasy qyzmetkerlerine issapar shyǵynyn tóleý máselesi boıynsha taldaý júrgizildi. Taldaý nátıjesi boıynsha jalpy bilim berý uıymdarynda mektep qyzmetkerleriniń quqyǵy buzylǵany anyqtaldy.

Mysaly, Áıteke bı aýdanyndaǵy mektep muǵalimi 2019 jyly 12 kúnge oblys ortalyǵyna jiberilgen. Alaıda, is-sapar shyǵyny tek 7 aı ótkennen keıin tólendi. «Oblys boıynsha 1 100 bilim berý salasy qyzmetkerlerine 59 mln teńgeden astam issapar shyǵyny boıynsha qaryz tirkeldi. Zań buzýshylyqtardy joıý jáne qoldanystaǵy zań talaptaryn tıisinshe oryndaý maqsatynda jergilikti atqarýshy organǵa prokýrorlyq qadaǵalaý aktisi berildi. Qazir barlyq qaryz óteldi», - dep habarlady Aqtóbe oblystyq prokýratýranyń baspasóz qyzmeti.