Aqtóbede Prezıdent qurdastary men Nursultan esimdi belsendi oqýshylar marapattaldy
Temir aýdanynyń ortalyǵynda Tuńǵysh Prezıdent kúnine oraı «Ulty ulyqtaǵan uly tulǵa» atty shara ótti. Sharaǵa aýdan, aýyldaǵy belsendi jastar, ardagerler qatysty.
«Memleket basshysynyń ishki jáne syrtqy saıasattaǵy tıimdi reformalarynyń nátıjesinde el ekonomıkasy órkendep, halyqtyń áleýmettik jaǵdaıy jaqsaryp keledi. Damýdyń qazaqstandyq joly álem jurtshylyǵynyń nazaryna ilikti. Al Temir aýdanyna keler bolsam, bıyl 10 aıda 24 mıllıard teńge ınvestıtsııa tartyldy. Aýdanǵa ortalyqtandyrylǵan sý jelisi tartylyp, tasjol tóseý, jaryqtandyrý jumysy atqaryldy. Jas otbasylarǵa, mamandarǵa arnap turǵyn úı salynyp jatyr. Mektep, balabaqsha salynyp, 2019 jyldyń jospary jasaldy. Josparǵa sáıkes dene shynyqtyrý jáne sport kesheni salynyp, aýylishilik joldar jóndeledi», - dedi aýdan ákimi Joldas Qalmaǵambetov.
Aıta keteıik, merekelik shara kezinde Elbasy qurdastary men Nursultan esimdi belsendi balalar, jastar marapattaldy. Olardyń arasynda ozat jylqyshy, eńbek ardageri Myrzabaı Shomatov el bolashaǵy jastarǵa tabys tiledi. Al mektep oqýshysy Nursultan Nurekesh atyna kir keltirmeı, el senimin aqtaýǵa ýáde etti.
