Aqtóbede poıyz qaǵyp, mert bolǵan jigittiń aty-jóni anyqtalmaı jatyr
AQTÓBE. QazAqparat - Aqtóbede er adamdy poıyz qaǵyp ketti. Jedel járdem temirjol boıynda jatqan adamnyń tek ólimin tirkegen, dep habarlaıdy QazAqparat tilshisi.
«Búgin tańǵy saǵat 4:00-de shamamen 30 jastaǵy er adamdy poıyz basyp ketti. Oqıǵa ornyna barǵan dárigerler jas jigittiń ólimin ǵana tirkedi. Onyń jaraqaty aýyr bolǵan. Aty-jóni belgisiz. Múrdeni polıtsııaǵa tapsyrdyq»,- dedi Aqtóbe qalalyq jedel járdem beketi bas dárigeriniń orynbasary Dastan Netalıeva.
Aıta keteıik, oqıǵa Aqtóbe qalasyndaǵy Týrgenev-312 atqyshtar dıvızııasy boıyndaǵy temirjol mańynda bolǵan. Múrdeni qala turǵyndary kórip, onyń aty-jónin anyqtaýǵa kómek suraǵan. Er adamnyń ústinde maıka jáne sholaq shalbar bolǵan. Aqtóbe jol dıstantsııasynyń habarlaýynsha, tergeý jumystary júrip jatyr. Temir jol boıynda qaza bolǵan slavıan jigiti. Aty-jóni belgisiz kúıde qalyp otyr.
