Aqtóbede polıtsııa jolda turyp qalǵan myńnan astam kólikti alyp júrdi

AQTÓBE. KAZINFORM - Aqtóbede jeńil kólik úshin barlyq baǵytta jol ashyldy. Polıtsııa myńnan astap kólikti alyp júrdi.

Aqtóbede keshe boran bolyp, respýblıkalyq mańyzy bar 5 avtojol jabyldy. Búgin tańda jeńil kólikter úshin barlyq jol ashyldy. Al Aqtóbe qalasynan BQO shekarasyna deıingi aralyqtaǵy barlyq shekteý alyndy.

- Polıtseıler avtojoldarda jınalǵan myńnan astam jeńil kólikti súımeldeýdi uıymdastyrdy. Tártip saqshylary ázirge aýyldan shyqpaı, aýa raıynyń durystalǵanyn kútýge keńes beredi. Sonymen birge joldardyń jabylýy týraly habarlamalarǵa muqııat bolý kerek,- dep habarlady oblystyq Polıtsııa departamentiniń baspasóz qyzmeti.

Eske salsaq, Qazaqstannyń 16 oblysynda 17 aqpanda daýyldy eskertý jarııalandy.