Aqtóbede polıtsııa qyzmetkeriniń jumysyna kedergi keltirip, bólimge kirgender jazalandy

AQTÓBE. KAZINFORM – Alǵa aýdanynda 7 er adam polıtsııa eskertýine qulaq aspaı, tipti bólimge ruqsatsyz kirgen. Olar ákimshilik jaýapqa tartyldy.

Oqıǵa shilde aıynda Alǵa qalasyndaǵy Sh.Ýálıhanov kóshesinde boldy. Polıtsııa Hyundai Tucson kóligin tekserip, júrgizýshiniń qujatsyz kólik aıdaǵanyn anyqtady. Keıin júrgizýshi polıtsııa bólimine jetkiziledi. Іle-shala júrgizýshiniń aǵasy men tanystary, barlyǵy 7 adam bólimge kelip, polıtsııa qyzmetkeriniń jumysyna kedergi keltirdi. 

- Polıtsııa bólimine ruqsatsyz kirgeni úshin olarǵa Ákimshilik quqyqbuzýshylyq týraly kodekstiń «Quqyq qorǵaý organy nemese arnaýly memlekettik organ, áskerı polıtsııa organy, memlekettik feldegerlik qyzmet qyzmetkeriniń (áskerı qyzmetshisiniń), sot prıstavynyń, sot oryndaýshysynyń zańdy ókimine nemese talabyna baǵynbaý» baby, «Kúzetiletin obektilerge zańsyz kirý» baby boıynsha hattama toltyryldy. Qazirgi kezde 4 quqyqbuzýshyny 4 táýlikke qamaý týraly sheshim shyqty. Taǵy eki quqyqbuzýshynyń isi aýdandyq sotqa jiberildi. Bir quqyqbuzýshy Aqtaý qalasyna ketip qalǵan, shaqyryldy. Kelgen soń qujattary sotqa jiberiledi,- dep habarlady oblystyq PD baspasóz qyzmeti. 

Eske salsaq, Іshki ister mınıstri Erjan Sadenovtiń aıtýynsha, qylmyspen kúreste oń dınamıka baıqalady. Tirkelgen qylmystardyń jalpy sany 11%-ǵa tómendegen.

Adam óltirý, aýyr dene jaraqatyn keltirý, zorlaý, qaraqshylyq, tonaý, buzaqylyq, urlyq, mal urlyǵy jáne basqa da qylmystardyń sany azaıǵan.