Aqtóbede polıtsııa qyzmetkerin kóligimen súırep ketken júrgizýshi ustaldy

AQTÓBE. KAZINFORM – Aqtóbe polıtsııasy rýlge mas kúıinde otyrǵan 29 jastaǵy júrgizýshini tekserdi. Júrgizýshi saraptamadan shyǵa sala áıeliniń kóligine minip alady. Al áıel polıtsııa qyzmetkerin birneshe metrge súırep, oqıǵa ornynan qashyp ketken. Qazir tergeý júrip jatyr.

Oqıǵa keshe bolǵanymen, polıtsııa kúdiktini búgin ǵana ustady. Oblystyq PD baspasóz qyzmetiniń habarlaýynsha, patrýldik polıtsııa qyzmetkeri Aqtóbe qalasy kósheleriniń birinshe «Lexus» markaly kólikti toqtatady. Sol kezde 29 jastaǵy jigittiń ishimdik ishkeni anyqtalyp, saraptama ortalyǵyna jetkiziledi. 

- Saraptama júrgizýshiniń ishimdik ishkenin naqtylady. Er adam saraptamadan ótken soń medıtsınalyq mekemeden qashyp shyǵyp, kólikke minip alady. Rýlde otyrǵan áıeli birden qozǵalyp, kúıeýimen birge oqıǵa ornynan qashyp ketti. Sol kezde kólik kapotyna jarmasqan polıtsııa qyzmetkerin birneshe metrge súıregen. Polıtsııa qyzmetkeri zardap shekken joq. Erli-zaıypty búgin ustaldy,- dep habarlady Oblystyq PD baspasóz qyzmeti. 

Eske salsaq, byltyr Aqtóbe qalalyq máslıhat depýtaty kólikti mas kúıinde aıdap, ákimshilik jaýapqa tartyldy.