Aqtóbede polıtsııa qyzmetkerleri Jem ózeni boıynan qarasora plantatsııasyn tapty
AQTÓBE. KAZINFORM – Qarasora plantatsııasy Muǵaljar aýdany Jem ózeni boıynan anyqtaldy. Qarasora ekken úsh turǵyn ustaldy.
Óńirde «Qarasora» jedel aldyn alý is-sharasy ótti. Polıtsııa qyzmetkerleri Jem ózeni boıyna qarasora ekken topty anyqtap, ustady.
«Zańsyz ósirilgen qarasora plantatsııasynda aýdannyń úsh turǵyny ustaldy. Plantatsııa adam júrmeıtin jerde, qalyń butalardyń arasynda ornalasqan Mundaǵy lagerde adamǵa qajetti barlyq zat bar. Qarasorany sýarý úshin ózen sýy paıdalanylǵan. Tekserý kezinde bıiktigi 1,5 metrden asatyn 70-ten astam qarasora butasy tárkilendi. Kúdiktiler ony jaz boıy baptaǵan. Qazir sotqa deıingi tergep-tekserý bastaldy», - dep habarlady Aqtóbe oblystyq PD baspasóz qyzmetiniń jetekshisi Erbolat Sarqulov.
Eske salsaq, Aqtóbe qalasynda bıyl 470 alaıaqtyq deregi tirkeldi. Alaıaqtarǵa kóbine áıelder aldanady.
