Aqtóbede polıtsııa qyzmetkeri jol apatyna tústi
AQTÓBE. KAZINFORM - Tumandy kúni patrýldik qyzmetke shyqqan polıtseı jol apatyna tústi. Ol aýdandyq aýrýhanada em qabyldap jatyr.
Oqıǵa 14 naýryz kúni oblystyq mańyzy bar Dóń-Badamsha-Aqtóbe-Orsk tasjolynda boldy. Patrýldik polıtsııa qyzmetiniń «Hıýndaı-Elantra» kóligi ÝAZ avtokóligimen soqtyǵysty.
- Tumandy kúni jol qaýipsizdigin qamtamasyz etý úshin patrýlge shyqqan. Sol kezde jol apatyna ushyrap, jaraqat aldy, aýrýhanaǵa tústi. Qazir osy oqıǵaǵa qatysty tekserý júrip jatyr,- dep habarlady Aqtóbe oblystyq Polıtsııa departamentiniń baspasóz qyzmeti.
Aqtóbe oblystyq densaýlyq saqtaý basqarmasy baspasóz qyzmetiniń habarlaýynsha, naýqas Qarǵaly aýdandyq aýrýhanasynda jatyr. Jaǵdaıy ortasha aýyr.
Buǵan deıin habarlaǵanymyzdaı, Qaraǵandyda oqý-jattyǵý barysynda polıtsııa maıory qaza boldy. Tártip saqshysy jazataıym oq tıip, kóz jumǵan.