Aqtóbede polıtsııa qyzmetkeri tabeldik qarýdan oq atyp, tanysyn jaralady

AQTÓBE. KAZINFORM — Jaralanǵan tanysy din aman, aýrýhanada em qabyldap jatyr.

Aqtóbe oblystyq PD baspasóz qyzmetiniń habarlaýynsha, polıtsııa qyzmetkeri qaýipsizdik erejesin saqtamaǵan. Saldarynan tabeldik qarýdan abaısyzda bir ret atyp, tanysyn jaralap aldy. Jaralanǵan er adam dereý aýrýhanaǵa jetkizildi.

— Qylmystyq kodekstiń «Salǵyrttyq» baby boıynsha is qozǵaldy. Oqıǵanyń mán-jaıy anyqtalyp jatyr. Polıtsııa qyzmetkeri qyzmetinen shettetildi. Tergeý polıtsııa departamenti bastyǵynyń baqylaýynda, — dep habarlady Aqtóbe oblystyq PD baspasóz qyzmeti.

Al oblystyq densaýlyq saqtaý basqarmasynyń baspasóz qyzmeti, naýqastyń jaǵdaıy turaqty dep otyr. Ol aýrýhanada em alyp jatyr. Ota jasalmady, tek alǵashqy hırýrgııalyq kómek kórsetildi.

Eske salsaq, Aqtóbede áıel eki balasyn óltirdi degen kúdikke ilikti. Atyraýlyq turǵyn Muǵaljar aýdany Qandyaǵash qalasyna qonaqqa kelgen.