Aqtóbede polıtsııa aıryqsha belgisi joq qyzmettik kólikke kamera qondyrdy
AQTÓBE. KAZINFORM – Aqtóbede polıtsııa qyzmetkerleriniń aıryqsha belgisi joq kólikterine jáne jedel járdemge 13 kamera qondyryldy. Bul – jyldamdyqty ólsheıtin qurylǵy.
Aqtóbe oblystyq PD baspasóz qyzmetiniń habarlaýynsha, arnaıy qurylǵysy bar polıtsııa kólikteri kóbine qala syrtyndaǵy joldarda júredi. Qurylǵy kóliktiń jyldamdyǵyn eseptep, lezde aqparat beredi.
- Aqtóbe oblysynda aıryqsha belgileri joq qyzmettik avtokólikterge jáne jedel járdem kólikterine jyldamdyqty avtomatty túrde tirkeıtin quraldar iske qosyldy. Maqsat – jol qozǵalysyna qatań baqylaý jasap, qaýipsizdikti qamtamasyz etý. Qurylǵynyń qaýipsiz orta qurýǵa kómegi bolady. Qazir barlyǵy 13 qurylǵy bar. Negizinen qala syrtyndaǵy joldarǵa jiberiledi. Analız jasaldy, damyǵan elderde osyndaı partýldeý qarastyrylǵan, - dedi Aqtóbe oblystyq PD ákimshilik Polıtsııa basqarmasy bastyǵynyń orynbasary Erkin Ótegen.
Byltyr Aqtóbede 1766 jol-kólik oqıǵasy tirkeldi. Onda 166 adam qaza tapty, 2418 adam ártúrli dene jaraqatyn aldy. Jol-kólik oqıǵalarynyń 60 % astamy jyldamdyqty asyrǵannan bolǵan.
Eske salsaq, Aqtóbe qalasy Ábilqaıyr han dańǵylynda qarsy baǵytqa shyǵyp, kólikti keri aıdaǵan júrgizýshi anyqtaldy. Ákimshilik quqyqbuzýshylyq týraly kodekstiń úsh baby boıynsha 5 hattama toltyryldy.