Aqtóbede polıtseı qyzmettik qarýdan oq atyp, bir adam aýrýhanaǵa tústi
AQTÓBE. KAZINFORM - Oqıǵa Hromtaý qalasyndaǵy demalys oryndarynyń birinde boldy. Jaralanǵan adam qazir aýrýhanada em alyp jatyr.
Aqtóbe oblystyq Polıtsııa departamenti baspasóz qyzmetiniń habarlaýynsha, qylmystyq is qozǵalyp, tergeý júrip jatyr.
- Atalǵan derek boıynsha Aqtóbe oblystyq polıtsııa departamenti qylmystyq is qozǵady. Kúdikti ustalyp, ýaqytsha ustaý ızolıatoryna qamaldy. Jábirlenýshi medıtsınalyq mekemege jatqyzyldy, jaǵdaıy qanaǵattanarlyq. Qazirgi ýaqytta oqıǵanyń mán-jaıyn anyqtaýǵa baǵyttalǵan qajetti tergeý sharalary júrgizilip jatyr. Sonymen qatar oblystyq polıtsııa departamenti kórineý jalǵan aqparat taratqany úshin jaýapkershilik bar ekenin eskertedi,- dep habarlady baspasóz qyzmeti.
Aqtóbe oblystyq densaýlyq saqtaý basqarmasynyń habarlaýynsha, oq tıgen 36 jastaǵy adamnyń jaǵdaıy turaqty, aýyr. Ol Hromtaý aýdandyq aýrýhanasynyń jansaqtaý bóliminde jatyr, esin biledi.
Buǵan deıin habarlaǵanymyzdaı, Aqtóbede áriptesin óltirgen temirjolshy sottaldy. Oqıǵa Aqtóbe-Almaty jolaýshylar poıyzynda boldy. Іssaparǵa shyqqan olar ishimdik iship, keıin bir-birimen janjaldasyp qalǵan.
