Aqtóbede polıetılen paketi shyǵaryla bastady
Aqtóbe qalasyndaǵy ındýstrııaldy aımaqta polıetılen paket shyǵaratyn óndiris orny iske qosyldy. Óndiris ornyndaǵy gaz, sý, jol men jaryǵy bar aýmaqtan 1 gektar jer berilgen. Munda eki túrli qaptamadaǵy paket shyǵarylady. Shıkizattar Qazaqstan, Ózbekstan Koreıa, Irannan alyndy. Munda jylyna 1 200 tonna ónim shyǵarýǵa bolady. Zaýyt qurylysy men jańa apparattardy satyp alýǵa 500 mıllıon teńge jumsaldy.
«Aqtóbe ındýstrııaldy aımaǵynda ózge de óndiris ornynyń qurylys jumystary júrip jatyr. Barlyǵy 15 óndiris orny aýmaqtyń 60 paıyzdyq jerin qamtıdy. Qazir 4 óndiris orny jumys istep tur. Bıyl taǵy 7 zaýyt, shaǵyn tseh iske qosylady. Barlyǵy 1 600 adam jumyspen qamtylady. Munda jıhaz shyǵarý, kólik-logıstıka ortalyǵy men qysh buıymdaryn shyǵaratyn zaýyt bar. Qazaqstanda alǵash ret aýa baptaıtyn gaz ballondar da shyǵarylady. Qazaqstan men Túrkııa, Bolgarııa ınvestorlary osy jerge shoǵyrlanǵan»,- dedi «Aqtóbe» ÁKK» UK» AQ-nyń ınvestıtsııa tartý basqarmasynyń jetekshisi Anýar Asylov.
