Aqtóbede polıtsııa qyzmetkerleriniń bári jedel testten ótedi
AQTÓBE. QazAqparat - Aqtóbede polıtsııa qyzmetkerleri jappaı jedel testten ótedi, dep habarlaıdy QazAqparat tilshisi.
Nur - Sultan ýaqytymen saǵat 22:40-taǵy málimet boıynsha Aqtóbede indet juqtyrǵandar sany 55-ke jetti. Bir táýlikte 28 adam tirkeldi.
«Koronavırýs ınfektsııasyn juqtyrǵandardyń kóbi syrttan kelgen. Keshe Reseıden avtobýspen stýdentter jetkizilgen bolatyn. Onyń 18-nen vırýs anyqtaldy. Ózge óńirdiń adamdary qazir ınfektsııalyq aýrýhanaǵa jatqyzyldy. ıAǵnı, eshkimmen baılanys jasamaı, karantınde boldy. Biz shekaralyq aımaqpyz. Óz eline kelgen otandasymyzdy shette qaldyra almaımyz, sondyqtan qabyldaımyz», - dedi oblystyq densaýlyq saqtaý basqarmasynyń basshysy Áset Qalıev jergilikti arnadaǵy tikeleı efırde.
Koronavırýs ınfektsııasyna qarsy kúres jumystaryna jumyldyrylǵan qyzmetkerlerdiń bárine arnaıy qorǵanys kıimi berilgen.
«Polıtsııaǵa 2 myńǵa jýyq jedel test jetkizildi. Bir aptadan beri tekserý júrip jatyr. Aldymen blokposttaǵy quqyq qorǵaýshylar qamtyldy. Provızorlyq, karantındik gospıtaldegi qyzmetkerler de baqylaýda. 100-den astamynan synama alynyp, nátıjesinde eshkimnen vırýs anyqtalmady. Bári de testten ótedi», - dedi oblystyq PD bastyǵynyń birinshi orynbasary Qanat Álıev.
