Aqtóbede polıtsııa qyzmetkerleri jolda qalǵan sheteldikterge kómek kórsetti

AQTÓBE. QazAqparat - Samara - Shymkent tasjolyndy Tájikstan azamattary mingen kólik buzylyp, polıtsııa qyzmetkerleri kómek kórsetti, dep habarlaıdy QazAqparat tilshisi.

Aqtóbedegi respýblıkalyq tasjolda polıtsııa patrýldik kezekshilikte júr. Jol qaýipsizdigin baqylaý kezinde jolda qalǵan kólik jolaýshylary jylytý beketine jetkizildi.

«Búgin Samara - Shymkent tasjolynyń Yrǵyz aýdany, Qalybaı aýylynda «Hýndaı» markaly Tájikstan azamattary mingen kólik buzylyp qaldy. Kólik ishinde 9 adam bolǵan. Onyń úsheýi bala. Júrgizýshi olardy tastap, jaqyn mańdaǵy aýylǵa qosalqy bólshek alý úshin ketip qalǵan. Olar Reseıden Tájikstanǵa bet alǵan eken», - dedi oblystyq PD baspasóz qyzmetiniń jetekshisi Erbolat Sarqulov

Polıtsııa qyzmetkerleri olardy jaqyn mańdaǵy dámhanaǵa jetkizip, júrgizýshige kómektesti.