Aqtóbede polıtsııa qyzmetkerleri marapattaldy
Konstıtýtsııa kúnine oraı Aqtóbe oblystyq polıtsııa departamenti merekelik is-shara ótkizdi. Jeke quram Іshki ister mınıstrliginiń jáne oblystyq departament bastyǵynyń buıryǵymen marapattaldy. Qyzmettik mindetterin adal atqaryp, úzdik kórsetkishterge qol jetkizgen 7 qyzmetkerge merziminen buryn arnaıy ataq berildi. 4 qyzmetker «Іshki ister organdarynyń úzdigi» tósbelgisin, 3 qyzmetker ІІM gramotasyn aldy. Oblys ákimi atynan 5 qyzmetker, Іshki ister mınıstrligi atynan 4 qyzmetker medalmen marapattaldy.
«30 tamyzda biz elimizdiń basty merekeleriniń biri – Qazaqstan Respýblıkasy Konstıtýtsııasynyń 25 jyldyǵyn atap ótemiz. Іshki ister organdary qyzmetkerleriniń aldynda basty mindet tur. Ol - tártipti qamtamasyz etý jáne azamattardy qorǵaý. Biz elimizdiń azamattarynyń senimin aqtaýǵa jáne táýelsiz Qazaqstannyń naǵyz patrıoty bolýǵa bar kúsh-jigerimizdi salýymyz kerek», - dep atap ótti óz sózinde Aqtóbe oblysy Polıtsııa departamentiniń bastyǵy Atyǵaı Arystanov.