Aqtóbede polıtsııa qyzmetkerleri «Baýyrlastar zıratyn» qoqystan tazartty
AQTÓBE. QazAqparat – Jeńis kúni qarsańynda polıtsııa qyzmetkerleri «Baýyrlastar zıratynan» qoqys jınap, tazartty, dep habarlaıdy QazAqparat tilshisi.
Aqtóbede polıtsııa qyzmetkerleri «Baýyrlastar zıratyna» baryp, munda tazalyq jumysyn júrgizdi. Aldymen qoqysyn jınap, keıin granıt tastaryn jýdy. Qýraǵan shóbin julyp, aınalany qalpyna keltirdi.
«Zıratta soǵys jyldary jaralanyp, aqtóbelik aýrýhanalarda kóz jumǵan 290 keńes jaýyngeri jerlengen. Munda birneshe jyl buryn qaıta qalpyna keltirý jumysy júrgizildi. Polıtsııa qyzmetkerleri zırat mańyn únemi kútip ustaýǵa kómektesedi. Sonymen birge buzaqylardyń búldirip ketpeýi úshin baqylaýdy jalǵastyrady», - dedi Aqtóbe oblystyq PD Kadr saıasaty basqarmasy bastyǵynyń orynbasary Baýyrjan Maksımov.
Aıta keteıik, Aqtóbe oblysynda 20 soǵys ardageri bar. Onyń 17-i Aqtóbe qalasynda, 2-i Hromtaý aýdanynda jáne bireýi Muǵaljar aýdanynda turady. Bıyl ardagerlerge 2 mıllıon teńgeden berildi.
