Aqtóbede polıtsııa qyzmetkeriniń betine túkirgen esepshi jazalandy
AQTÓBE. QazAqparat - Aqtóbe oblysy, Yrǵyz aýdanynyń turǵyny A.Sqaqov mas kúıinde polıtsııa qyzmetkerlerine ustalyp qalǵan. 29 jastaǵy esepshi ózin ustaǵan polıtseıdi balaǵattap, keıin betine túkirip jibergeni úshin jazalandy, dep habarlaıdy QazAqparat tilshisi.
Aqtóbeniń Yrǵyz aýdandyq sotynda aıytalýshy A.Sqaqovqa qatysty qylmystyq is qaraldy. Aýdandyq óner mektebiniń esepshisine Qylmystyq kodekstiń «Bılik ókilin qorlaý» baby boıynsha aıyp taǵyldy. Іs materıalyna súıensek, 2018 jyldyń maýsym aıynda aıyptalýshy kóshede mas kúıinde júrip, polıtsııa qyzmetkerlerine ustalady. Sol kezde polıtseıler 29 jastaǵy esepshiniń ishimdik ishkenin anyqtaý úshin ony aýdandyq aýrýhanaǵa jetkizedi. Tekseristen soń Іshki ister bólimine kirer kezde aıyptalýshy A.Sqaqov qyzmettik mindetin atqaryp turǵan polıtsııa qyzmetkerlerin balaǵattap, betine túkirip jibergen.
Sot otyrysynda A.Sqaqov ózine taǵylǵan aıypty tolyq moıyndap, bılik ókiliniń óz qyzmettik mindetin atqarý kezinde balaǵattap, qorlaý sózderin aıtqanyn rastap, is-áreketine shyn júrekten ókinetinin, kinásin tolyq moıyndaıtynyn, endi qaıtalamaıtynyn kórsetip, sottan jeńil jaza taǵaıyndaýdy surady. Al medıtsınalyq tekserý qorytyndysy kezinde aıyptalýshynyń ishimdik iship, marıhýana shekkendigi anyqtaldy.
«A.Sqaqov Qylmystyq kodekstiń «Bılik ókilin qorlaý» baby boıynsha kináli dep tanylyp, jaza retinde 35 aılyq eseptik kórsetkish mólsherinde, ıaǵnı, 84 175 teńge aıyppul salynsyn. A.Sqaqov sot úkimi zańdy kúshine engen kúnnen bastap bir aı ishinde aıyppuldy tóleýge mindetti»,- dedi sýdıa S.Mahambetov.
