Aqtóbede polıtsııa kóligi aýdarylyp qaldy
AQTÓBE. QazAqparat - Aqtóbede polıtsııa kóligi aýdarylyp qaldy. Jol apaty qaladaǵy Keńes Nokın dańǵylynda oryn aldy, al polıtsııa kóligine soqtyǵysqan jeńil kólik ıesiniń júrgizýshi kýáligi bolmaǵan, dep habarlaıdy QazAqparat tilshisi.
«Vaz-2114» kóliginiń 24 jastaǵy júrgizýshisi Shernııaz kóshesinen Janqoja kóshesine baǵyt alǵan kezde jol erejesin buzǵan. Ol jol boıynda qaýip tóngenine qaramastan jyldamdyqty tómendetpegen. Saldarynan jol-patrýldik polıtsııasynyń kóligine soqtyǵysyp, kólik aýdarylyp qaldy. Jol-kólik apaty kezinde jeńil kólik ıesiniń júrgizýshi kýáligi bolmaǵany anyqtaldy», - dep habarlaıdy oblystyq ІІD baspasóz qyzmeti.
Aıta keteıik, sot medıtsınalyq saraptama barysynda 28 jastaǵy jol-patrýldik polıtsııasy qyzmetkeri men oǵan soqtyǵysqan jeńil kólik ıesiniń ishimdik ishpegeni anyqtaldy.
Qazirgi ýaqytta osy oqıǵaǵa qatysty Ákimshilik kodekstiń «Kólik quraldary júrgizýshileriniń jol júrisi qaýipsizdigin qamtamasyz etýdiń belgilengen qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine ákep soqqan buzýshylyǵy» baby boıynsha is qozǵaldy. Іs ákimshilik sotqa joldandy.
