Aqtóbede polıtsııa esirtki tasymaldaǵan kúdiktini ustady
Aqtóbe oblystyq polıtsııa departamenti Esirtki qylmysyna qarsy is-qımyl basqarmasynyń qyzmetkerleri jáne QR ІІM UU arnaıy jasaǵynyń sarbazdarymen birge «Qarasora-2021» jedel is-sharasy barysynda 47 jastaǵy er adamdy ustady. Polıtseıler ustalǵan azamattyń avtokóliginen 3 keliden astam marıhýana taýyp, tárkiledi.
«Er adamnyń esirtkige elitken kúıinde ustalǵany saraptama kezinde anyqtaldy. Atalǵan fakti negizinde Qvlmystyq kodekstiń «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý« baby boıynsha tergeý bastaldy. Osy baptyń sanktsııasy bes jyldan on jylǵa deıingi merzimge bas bostandyǵynan aıyrý kózdelgen. Kúdikti Aqtóbe qalasy polıtsııa basqarmasynye ýaqytsha ustaý ızolıatoryna qamaldy»,- dedi oblystyq PD baspasóz qyzmetiniń jetekshisi Erbolat Sarqulov.
