Aqtóbede polıtsııa departamentiniń bastyǵy azamattardy qabyldady
AQTÓBE. QazAqparat - Aqtóbe oblystyq polıtsııa departamentiniń bastyǵy Atyǵaı Arystanov azamattardy qabyldady, dep habarlaıdy QazAqparat tilshisi.
Qabyldaý azamattarǵa arnalǵan bólmede ótti. Polıtsııa departamentiniń bastyǵy barlyǵy 15 adamdy qabyldady.
Negizinen suraqtar keıbir qylmystyq isterdi, sonyń ishinde alaıaqtyq faktilerin tergeý barysyna qatysty boldy.
Sondaı-aq, azamattardy kólik quraldarynan shekteýlerdi alyp tastaý jáne ishki ister organdaryna jumysqa qabyldaý sharttary máseleleri qyzyqtyrdy.
«Turǵyndar alaıaqtarǵa jıi aldanyp qalady. Búgingi kezdesýde de senip, qarjysynan aıyrylǵandar boldy. Sonymen birge qylmystyq isti tergeý barysyna qatysty suraqtar qaraldy. Ardagerimiz de kómek surap, óziniń áleýmettik jaǵdaıyn aıtty. Biz oǵan qamqor bolamyz», - dedi Atyǵaı Arystanov.
Sonymen qatar, Facebook áleýmettik jelisinde Aqtóbe oblystyq polıtsııa departamentiniń bastyǵy Atyǵaı Arystanovtyń jeke paraqshasy bar.
Onda azamattar jumys ýaqytynda vedomstvo basshysyna ózderin qyzyqtyratyn barlyq máseleler boıynsha ótinish bildirýge múmkindigi bar.
Eske sala keteıik, bul kúni PD barlyq aýdandyq jáne qalalyq polıtsııa bólimderiniń bastyqtary da azamattardy qabyldady.
Azamattardy qabyldaý aı saıyn júzege asyrylady jáne oblys PD bastyǵy onlaın qabyldaýdy apta saıyn juma kúnderi ótkizedi.
Oǵan azamattar 8(7132) 936-303 telefonymen jazyla alady.
