Aqtóbede polıtsııa buzylyp qalǵan avtobýstaǵy qyrǵyzstandyq jolaýshylardy qutqardy
AQTÓBE. QazAqparat - Samara-Shymkent tasjolynda taǵy bir avtobýs buzylyp qaldy. Polıtsııa 42 jolaýshyny jylytý ornyna jetkizdi, dep habarlaıdy QazAqparat tilshisi.
Avtobýs Qyrǵyzstannan Reseıdiń Máskeý qalasyna bet alǵan. Kólik buzylyp, jol jıeginde birneshe saǵat turýyna týra kelgen. «Respýblıkalyq trassada polıtsııa qyzmetkerleri Bekzat Sısenbaev pen Sáken Jambylov kezekshilikte júrdi. Olar avtobýsty súırep, eń jaqyn kempıngke jetkizdi. Sol jerde jolaýshylar jylynyp, avtobýs jóndeldi. Bul birinshi jaǵdaı emes. Qysta sheteldikter jolǵa daıyndyqsyz shyǵady», - dedi oblystyq PD baspasóz qyzmetiniń jetekshisi Erbolat Sarqulov. Eske salsaq, osy jolda ózbekstandyq jolaýshylar mingen avtobýs buzylyp, polıtsııanyń kómegimen jolaýshylar qutqarylǵan bolatyn.
