Aqtóbede polıtseılerge 180 qyzmettik kólik berildi
AQTÓBE. QazAqparat - Aqtóbede polıtsııa qyzmetkerlerine 180 kólik berildi. Kólikterdi satyp alýǵa jergilikti bıýdjetten 900 mıllıon teńge bólindi, dep habarlaıdy QazAqparat tilshisi.
Konstıtýtsııa kúni qarsańynda aqtóbelik polıtseılerge qyzmettik avtokólikterdiń kilti tabys etildi. Jergilikti polıtsııa qyzmetiniń ýchaskelik ınspektorlaryna «Nıva» markaly 150 avtokólik berildi. Sonymen qatar, ІІD men aýdandyq ishki ister bólimderine 30 «GAZel» satyp alyndy. 
«Táýelsizdiktiń alǵashqy kúninen bastap Memleket basshysy Nursultan Nazarbaev quqyqqorǵaý salasyna erekshe kóńil bólip keledi. Osynyń arqasynda materıaldyq-tehnıkalyq bazany nyǵaıtý men quqyqqorǵaý organdary qyzmetkerlerin áleýmettik qorǵaýdy jaqsartý jumystary josparly júrgizilip keledi. Maqsat - elimizdiń barlyq azamatynyń qaýipsizdigin tıimdi qamtamasyz etý. Prezıdent tapsyrmasyna sáıkes, oblystyq ákimdik te polıtseılerdiń jumystary úshin barlyq jaǵdaıdy jasaý jumystaryn júrgizýde. Bıyl ІІD-ne avtokólik satyp alý úshin jergilikti bıýdjetten 900 mln teńge bólindi. Óńirde tehnıkalyq jaraqtandyrý, polıtsııa qyzmetin jaqsartý men halyqtyń olarǵa degen senimin arttyrý sharalary jalǵasatyn bolady»,- dedi Aqtóbe oblysynyń ákimi Berdibek Saparbaev.
Aıta keteıik, sońǵy tórt jylda ishki ister organdarynyń tehnıkalyq bazasyn jaqsartý úshin 6,5 mlrd teńge bólingen. Qazirgi kezde Aqtóbe oblysyndaǵy 165 ýchaskelik polıtsııa pýnkti túgel kólikpen qamtylǵan.
