Aqtóbede polıtseıler jolda qalǵan Ózbekstan azamattaryna kómektesti
AQTÓBE. QazAqparat – Karantın kezinde jolda qalǵan ózbekstandyqtarǵa polıtsııa kómektesti, dep habarlaıdy QazAqparat tilshisi.
Karantın kezinde polıtsııa qyzmetkerleri birneshe ret azamattarǵa, sonyń ishinde qıyn jaǵdaıǵa tap bolǵan sheteldikterge kómek kórsetti. Bul jumys jalǵasty.
«Búgin «Samara-Shymkent» tas jolynyń Qobda aýylynyń mańynda Ózbekstan azamattary mingen 2 avtobýs buzyldy. 549 jolaýshysy bar 11 avtobýs Batys Qazaqstan arqyly Reseıden Ózbekstanǵa bet alǵan. Aqtóbe oblysy aýmaǵynda qıyndyqqa tap bolyp, kómek surady. Aqtóbelik polıtsııa qyzmetkerleri shetel azamattaryna járdem berdi. Buzylǵan avtobýstardy jóndeýge qol ushyn sozyp, jolaýshylar úshin sý jáne tamaq berdi. Qıyn jaǵdaıǵa tap bolǵan Ózbekstan azamattary men avtobýs júrgizýshisi polıtsııa qyzmetkerlerine rızashylyqtaryn bildirdi», - dedi oblystyq PD baspasóz qyzmetiniń jetekshisi Erbolat Sarqulov.
Jóndeý jumystary aıaqtalǵannan keıin 11 avtobýstyń jolǵa shyqty.
