Aqtóbede polıtseıler kóshe tazalaýshylarǵa gúl syılady
AQTÓBE. QazAqparat – Aqtóbe oblystyq polıtsııa departamentiniń qyzmetkerleri búgin tazalyqshy áıelderge syılyq berdi, dep habarlaıdy QazAqparat tilshisi.
Búgin polıtsııa qyzmetkerleri kóshedegi qardy jınap, tazalyqqa jaýap beretin áıelderdi quttyqtady. Olardyń keıbiri bul jumysqa endi kirisse, ekinshisi óte tájirıbeli.
«Qala tazalyǵy men abattandyrý jumysynda júrgenime biraz jyl boldy. Aýa raıyna qaramastan eńbek etý de ońaı emes. Biraq bala-shaǵa qamy úshin áıel sharshamaıdy, baryn beredi. Men búgin gúl syılap, syılyq usynǵan polıtsııa qyzmetkerlerine rızashylyǵymdy bildiremin. Olar da qoǵam tynyshtyǵy men turaqtylyǵy úshin baryn salyp júr», - dedi tazalyqshy Natalıa Kovalenko.
Aqtóbelik tazalyqshylar dán rıza.
«Tek qyzmette júrgen emes, qarapaıym qyz-kelinshekter de nazardan tys qalmaýy tıis. Qysy-jazy dalada júrip, tazalyqty qamtamasyz etetin áıelderge búgin alǵysymyzdy bildirdik. Bári rıza», - dedi oblystyq PD bólim bastyǵy Erkin Ótegenov.
