Aqtóbede polıtseıler esirtki jasyratyn 24 oryndy joıdy
«Aqtóbe oblysynyń esirtki qylmysymen kúres qyzmetiniń ókilder Іshki ister mınıstrliginiń arnaıy jasaǵymen birlesip jedel-izdestirý sharalaryn júrgizdi jáne asa iri kólemde sıntetıkalyq esirtki daıyndaýmen aınalysqan 30 jastaǵy turǵyndy ustady. QR ІІM esirtki qylmysyna qarsy is-qımyl departamenti basqarmasynyń bastyǵy Baqytjan Ámirhanovtyń aıtýynsha, ustalǵan kúdikti buryn qala aýmaǵynda esirtki jasyrýmen aınalysqan, sodan keıin shamamen jarty jyl buryn úıdi jalǵa alyp, sıntetıkalyq esirtkini óz betinshe jasaı bastaǵan. Esirtki Aqtóbe qalasynda taratylǵan», - dedi Sh. Turlybek mınıstrliktiń baspasóz alańynda ótken brıfıngte.
Ustaý kezinde ol óz erkimen mefedron salynǵan 8 polıetılen paketin, sondaı-aq júıkege áser etetin zattardy daıyndaý kezinde paıdalanylatyn jabdyqtar men qurylǵylardy óz erkimen bergen. Jalǵa alynǵan úıdi tintý barysynda onyń seriktesi ustaldy, odan mefedron salynǵan 3 paket alyndy. Ustalǵandar esirtki jasyratyn 24 oryndy kórsetken jáne polıtsııa qyzmetkerleri bul oryndardy joıdy. Tárkilengen esirtkiniń jalpy salmaǵy 850 grammdy quraǵan.
«QR Qylmystyq kodeksiniń 297-baby 3-bóligi «Esirtki zattaryn ótkizý maqsatynda asa iri mólsherde saqtaý» boıynsha sotqa deıingi is bastaldy. Kúdiktilerdiń múlki tárkilenip, 15 jylǵa deıin bas bostandyǵynan aıyrylýy múmkin. Bıylǵy 2 aıda ishki ister organdary 378 esirtki qylmysyn anyqtady, onyń ishinde 248 ótkizý jáne 85 asa iri kólemde esirtkini saqtaý faktileri bar. Zańsyz aınalymnan 422 kg astam esirtki, onyń ishinde 196 kg gashısh, 213 kg marıhýana, 800 gr geroın jáne 6 keliden astam sıntetıka tárkilendi. 7 esirtki zerthanasy joıyldy. Esirtkini jarnamalaý jáne nasıhattaý faktileri boıynsha sotqa deıingi 11 is jáne esirtkini Internet arqyly ótkizý faktileri boıynsha 107 is tirkeldi», - dedi Sh. Turlybek.
