Aqtóbede polıtseı men turǵyndar arasyndaǵy janjaldyń mán-jaıy tekserilýde
AQTÓBE. QazAqparat - Aqtóbe qalasyndaǵy Ortalyq bazar mańynda bolǵan polıtsııa men turǵyn arasyndaǵy janjal áleýmettik jelini shýlatqan bolatyn. Qazirgi kezde Aqtóbe oblystyq ІІD osy oqıǵaǵa qatysty qyzmettik tekserýdi bastady, dep habarlaıdy QazAqparat tilshisi.
Aqtóbe qalasynyń turǵyny men polıtsııa qyzmetkeri arasyndaǵy talas kezinde quqyq qorǵaýshy ballon paıdalanǵan bolatyn. «Shyǵar» dep aıqaılaǵan áıel aldymen esikke jarmasyp, keıin kóliktiń aldyńǵa bóligine minip aldy. Sol kezde polıtsııa qyzmetkeri kúıeýin kólikten túsirmek bolǵan áıeldiń betine belgisiz zat shashyp jiberdi .
Qazir polıtseıdiń osy áreketi qazir tekserilip jatyr.
«Jol-patrýldik polıtsııasy Ortalyq bazar mańynda belgilenbegen jerden ótken jaıaý júrginshini toqtatyp, ákimshilik hattama toltyrǵan. Sol kezde ákimshilik zańdy buzǵan jaıaý júrginshiniń áıeli qarsylyq kórsetti. Keıin polıtsııa qyzmetkerleri zań buzǵan turǵyndy kólikke otyrǵyzdy. Biraq onyń áıeli qarsylyǵyn jalǵastyra bergen. Qazirgi kezde polıtsııa qyzmetkerleriniń arnaıy zatty paıdalaný deregine qatysty qyzmettik tekserý bastaldy»,- dep habarlaıdy Aqtóbe oblystyq ІІD baspasóz qyzmeti.
