Aqtóbede perzenthanada bala satý deregi boıynsha qylmystyq is qozǵaldy

AQTÓBE. KAZINFORM – Aqtóbede perzenthanalardyń birinshe bala satý deregi tirkelgen. Qazir tergeý júrip jatyr.

Aqtóbe oblystyq PD baspasóz qyzmeti qylmystyq is boıynsha tergeý júrip jatqanyn habarlady. 

— Aqtóbe oblysynyń polıtsııasy perzenthanada jańa týǵan náresteni satý faktisi boıynsha qylmystyq is qozǵady. Barlyq mán-jaılardy jáne qatysy bar adamdardy anyqtaý úshin qajetti tergeý áreketteri júrgizilip jatyr. Tergeý jalǵasýda, — dep habarlady Aqtóbe oblystyq PD baspasóz qyzmetiniń jetekshisi Erbolat Sarqulov. 

Eske salsaq, byltyr Memleket basshysy «Qazaqstan Respýblıkasynyń Ákimshilik quqyq buzýshylyq týraly kodeksine adam saýdasyna, vandalızm kórinisine jáne bótenniń múlkin búldirýge qarsy is-qımyl máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy. Sol kezde Balalardy, ásirese, jańa týǵan nárestelerdi satý faktilerine tosqaýyl qoıý úshin Ákimshilik quqyq buzýshylyq týraly kodeks jańa bappen tolyqtyryldy.