Aqtóbede perzenthana órtenip, 500-ge jýyq adam evakýatsııalandy
AQTÓBE. QazAqparat - Aqtóbede perzenthanada matrats janyp, 500-ge jýyq adam qutqaryldy, dep habarlaıdy QazAqparat tilshisi.
«Búgin saǵat 10:23-te Aqtóbede perınataldy ortalyqtyń jertólesindegi matras jandy. Órt 10:40-ta óshirildi. Barlyǵy 175 adam qutqaryldy. Onyń 78-i bala, 97-si ana. Sonymen qatar, 316 medıtsına qyzmetkeri evakýatsııalandy. Oqıǵa ornyna 62 órt sóndirýshi men 11 tehnıka jiberildi. Apatty medıtsına ortalyǵy men Jedel qutqarý jasaǵynan 7 adam, 2 tehnıka bardy. Jalpy aýdany 5 sharshy metr aýmaq órtendi», - dep habarlady oblystyq TJD baspasóz qyzmeti.
Aqtóbede perınataldy ortalyq qyzmetkerleriniń aıtýynsha, órt shyqqan kezde bosaný bólmesinde 7 júkti kelinshek bolǵan.
