Aqtóbede perınataldy ortalyq ashyldy
AQTÓBE. QazAqparat - Aqtóbede perınataldy ortalyq ashyldy. Onda 190 kereýet bar, dep habarlaıdy QazAqparat tilshisi.
Jańa perınataldy ortalyqta júktilik pen neonataldy kezeńniń asqynýyna baılanysty medıtsınalyq kómek kórsetýge barlyq jaǵdaı jasalǵan. Sonyń ishinde munda salmaǵy 500 gramm bolatyn shala týǵan sábılerdi kútýge bolady. Aqtóbe oblysynyń ákimi Ońdasyn Orazalın perınataldy ortalyqtyń materıaldyq-tehnıkalyq jaraqtanýyn qarap shyqty. Osynda bar barlyq medıtsınalyq jabdyq zamanaýı perınataldy tehnologııalardyń talaptaryna saı keledi. Árbir operatsııalyq jáne reanımatsııalyq bólme medıtsınalyq gazdy ortalyqtan beretin konsolmen, narkozdy tynys alý apparattarymen jáne ana men jańa týǵan sábıdiń jaǵdaıyn baqylaıtyn monıtorlarmen jabdyqtalǵan. Medıtsınalyq kómek kórsetetýge jáne jańa týǵan sábıdi kútýge arnalǵan bólmeler aýany zalalsyzdandyratyn jeldetkish júıesimen jabdyqtalǵan.
Jańa medıtsınalyq mekemede 190 kereýet, sonymen qatar, 120 kelýshige arnalǵan keńes berý-dıagnostıkalyq ortalyq bar. Perınataldy ortalyq shtatynda 600 jumysshy eńbek etedi.
«Oblysta jyl saıyn 20-21 myń sábı ómirge keledi. Qalada úsh perzanthana bar. Sonymen birge aýdandyq aýrýhanalardyń bárinde perzenthana bar. Mamandardyń biliktiktiligin jyl saıyn arttyramyz. Olar Reseıge barady, taıaýda Túrkııada da boldy. Ortalyqqa zamanaýı kompıýterlik tomografııa satyp alý josparda bar»,- dedi oblystyq densaýlyq saqtaý basqarmasynyń basshysy Rústem Isaev.
