Aqtóbede patrýldik polıtsııa hlor iship qoıǵan balany aýrýhanaǵa jetkizýge kómektesti
AQTÓBE. QazAqparat - Aqtóbe oblystyq Jergilikti polıtsııa basqarmasynyń qyzmetkerleri hlor iship qoıǵan balany dereý aýrýhanaǵa jetkizdi, dep habarlaıdy QazAqparat tilshisi.
Oqıǵa búgin túste boldy. Polıtsııanyń qyzmettik avtokóligin «Opel» júrgizýshisi basyp ozyp, balasynyń hlor ishkenin jáne ony aýrýhanaǵa deıin jedel jetkizge kómektesýin surady. Jergilikti polıtsııa basqarmasy patrýldik polıtsııa batalonynyń komandıri Ermek Shoqanov jolda kedergisiz ilestirip apardy.
«Avtokóliktiń qalalyq balalar klınıkalyq aýrýhanasyna deıin jedel jetýine jaǵdaı jasady. Jol boıy polıtsııa qyzmetkerleri júrgizýshilerge daýys zoraıtqysh arqyly eskertý jasaǵan bolatyn. Polıtsııa qyzmetkerleri 7 mınýt ishinde kólikti aýrýhanaǵa jetkizip, dárigerler balaǵa qajetti medıtsınalyq em taǵaıyndady. Keıin batalon komandıri óziniń qaramaǵyndaǵy qyzmetkeriniń balasyna kómek kórsetkenin bildi», - dedi oblystyq PD baspasóz qyzmetiniń jetekshisi Erbolat Sarqulov.
