Aqtóbede páterden órt shyǵyp, ıesi mert boldy
AQTÓBE. QazAqparat – Aqtóbede kópqabatty jataqhana órtenip, 43 jastaǵy er adam aýrýhanada kóz jumdy, dep habarlaıdy QazAqparat tilshisi.
Aqtóbede jataqhana órtenip, páter ıesin kúıik shaldy. Oblystyq polıtsııa departamentiniń habarlaýynsha, 43 jastaǵy er adamnyń denesiniń 80 % kúıip qalǵan.
«Kúıik shalǵan páter ıesi jedel járdem aýrýhanasynyń jansaqtaý bólimine jatqyzyldy. Ol esin jımastan qaza boldy. Páter ıesi jalǵyz turǵan. Qazirgi kezde órttiń shyǵý sebebi anyqtalyp jatyr. Sonymen birge sot-medıtsınalyq jáne órt-tehnıkalyq saraptamalary taǵaıyndaldy. Tergeý bastaldy»,- dedi oblystyq polıtsııa departamenti baspasóz qyzmetiniń jetekshisi Erbolat Sarqulov.
