Aqtóbede páterden órt shyǵyp, 20 adam qaýipsiz jerge shyǵaryldy
AQTÓBE. QazAqparat - Aqtóbe qalasynda kópqabatty turǵyn úıden órt shyqty. Barlyǵy 20 adam evakýatsııalandy, onyń 9-y bala, dep habarlaıdy QazAqparat tilshisi.
2 qarasha kúni saǵat 09:02-de bes qabatty úıdiń tórtinshi qabatyndaǵy páterden órt shyqqany týraly habarlama tústi. Páterden shyqqan órt joǵary qabattaǵy balkondy sharpyǵan.
«Órt sóndirýshiler birden turǵyndardy qaýipsiz jerge shyǵaryp, órtti sóndirdi. Eki adam avtobaspaldaq arqyly evakýatsııalandy. Barlyǵy 20 adam qaýipsiz jerge shyǵarylsa, onyń 9-y bala. Zardap shekken adamdar joq. Órttiń shyǵý sebebi anyqtalyp jatyr», - dep habarlady oblystyq TJD baspasóz qyzmeti.
Aıta keteıik, órt sóndirý jumystaryna 41 qyzmetker men 10 tehnıka jumyldyryldy.
