Aqtóbede páterden anasy men balasynyń denesi tabyldy
Oqıǵa 23 shilde kúni bolǵan. Oblystyq PD baspasóz qyzmetiniń habarlaýynsha, Aqtóbe qalasyndaǵy páterlerdiń birinen 75 jastaǵy áıeldiń jáne onyń 44 jastaǵy ulynyń denesi tabyldy. Denesinde zorlyq-zombylyq belgisi bolmaǵan.
«Olardyń ekeýi de aýyr syrqatqa shaldyqqan, esepte turǵan. Qazir sotqa deıingi tergep-tekserý bastaldy, birqatar saraptamalar taǵaıyndaldy. QR QPK-niń 201-baby boıynsha ózge aqparat jarııa etýge jatpaıdy», - dedi oblystyq PD baspasóz qyzmeti.
Eske salsaq, bıyl naýryz aıynda Aqtóbede anasy men balasy kisi qolynan qaza tapty. Al osy úıdiń 13 jastaǵy qyzy jansaqtaý bólimine jatqyzyldy.
«Jedel tergeý toby páterden 35 jastaǵy áıeldiń jáne 16 jastaǵy ulynyń zorlyq belgileri bar máıitterin tapty. Qaza tapqan áıeldiń 13 jastaǵy qyzy pyshaq jaraqatymen balalar aýrýhanasynyń jańsaqtaý bólimine jatqyzyldy. Osy fakti boıynsha Qylmystyq kodekstiń «Kisi óltirý» baby boıynsha sotqa deıingi tergeý bastaldy», - dep habarlady oblystyq PD baspasóz qyzmetiniń jetekshisi Erbolat Sarqulov.
Al oblystyq Densaýlyq saqtaý basqarmasy jaralanǵan qyzǵa ota jasalǵanyn habarlady.