Aqtóbede páter urlyǵy órship tur
AQTÓBE. QazAqparat - Aqtóbe polıtsııasy 570 páter urlyǵyn tirkedi, dep habarlaıdy QazAqparat tilshisi.
Páter urysy zamanaýı tehnıkany sátti paıdalanady. Olar esik, terezeni ashý jolyn erkin meńgergen.
«Jyl basynan beri Aqtóbe oblysynyń aýmaǵynda 570 páter urlyǵy tirkeldi. Kóbine esh kedergisiz ishke engen. 11 aıdyń qorytyndysy boıynsha páter urlyǵyn jasaǵany úshin 153 adam ustaldy. Máselen saǵat 23:15-23:30 aralyǵynda beıtanys adam Bókenbaı batyr kóshesindegi páterge erkin kirip, sómkeden 500 000 teńgeni urlap ketken. Shyn máninde esik qulyptalmaı qalǵan», - dedi oblystyq PD baspasóz qyzmetiniń jetekshisi Erbolat Sarqulov.
Beınebaqylaýdy kúsheıtý - u rlyqtyń aldyn alýdyń birben bir joly bolyp otyr. Qala boıynsha 6849 kópqabatty turǵyn úı beınebaqylaý kamerasymen jabdyqtalǵan. Al 11 810 turǵyn úı jeke kúzet qyzmetimen qamtylǵan.
