Aqtóbede páter órtenip, er adamnyń denesi tabyldy
AQTÓBE. QazAqparat - Aqtóbede páter órtenip, 13 adam qutqaryldy. Bir adamnyń denesi tabyldy, dep habarlaıdy QazAqparat tilshisi.
Oblystyq TJD kezekshi bólimine Aqtóbe qalasy 11 shaǵyn aýdandaǵy 9 qabatty turǵyn úıdiń birinen órt shyqqandyǵy týraly habarlama tústi. Shaqyrtý ornyna barǵan órt sóndirýshiler birinshi qabattaǵy páterden órt shyqqanyn anyqtap, qutqarý jumystaryna kiristi.
«Órttiń aýdany - 15 sharshy metr. Jalpy 32 qyzmetker, 8 birlik tehnıka jumyldyryldy. Qatty tútin saldarynan joǵarǵy qabatta turatyn 13 adam baspaldaq marshy arqyly tómen túsirildi. Onyń ishinde 5 bala qutqaryldy. Sondaı-aq, 60 adam, onyń ishinde 9 bala evakýatsııalandy. Oqıǵa ornynan 1963 jyly týǵan er adamnyń denesi tabyldy. Órttiń shyǵý sebebi anyqtalyp jatyr»,- dep habarlady oblystyq TJD baspasóz qyzmeti.
Aqtóbe oblysynyń TJD turǵyndarǵa turmystaǵy órt qaýipsizdigin saqtaýdy jáne órt bolǵan jaǵdaıda dereý 101 nemese 112 nomerine habarlasýdy suraıdy.
