Aqtóbede páter men kottedjge jınalǵan mektep túlekteriniń ata-analary jaýapqa tartyldy
AQTÓBE. KAZINFORM - Túlekter páter jaldap, saýyq-saıran qurǵan. Polıtsııa kólik júrgizgen túlekti de jaýapqa tartty.
Aqtóbede bilim salasynyń mamandary men polıtsııa reıd uıymdastyryp, birneshe buzýshylyqty anyqtady. Máselen qala mektebiniń túlegi aǵasynyń kóligin aıdap ketip, jol saqshylarynyń nazaryna ilikti. Polıtsııa hattama toltyryp, kólik aıyp turaǵyna qoıyldy. Sonymen birge túlekter sońǵy qońyraýdy da atap ótken.
- Túlekter jaldamaly páterler men kottedjderde jınalǵan. Máselen jekemenshik mekteptiń tórt túlegi jalǵa alǵan páterde kesh uıymdastyrǵan. Sonymen birge taǵy bir mekteptiń 12 túlegi kottedj jaldap, túngi basqosý ótkizgen.Túngi saǵat 02:00 shamasynda 102 nómirine Ibatov kóshesindegi páterlerdiń birinde tynyshtyqtyń buzylǵany týraly habarlama túsken. Tekserý barysynda atalǵan páterde kámeletke tolmaǵandardyń júrgeni anyqtaldy. Barlyq fakti boıynsha balalardy tárbıeleý jónindegi mindetterin tıisinshe oryndamaǵany úshin ata-analary jaýapqa tartyldy. Sonymen qatar jasóspirimder jáne olardyń ata-analaryna profılaktıkalyq túsindirý jumystary júrgizildi. Aqtóbe oblysynyń polıtsııa departamenti bitirý keshteri kezinde balalar men jasóspirimderdiń qaýipsizdigi ata-analar men pedagogterdiń erekshe baqylaýynda bolýy tıis ekenin eskertedi,- dep habarlady oblystyq PD baspasóz qyzmeti.
Aıta keteıik, keshe Almatyda túlekter avtokorteji toqtalyp, 21 ata-ana jaýapqa tartyldy. Sondaı-aq Jańaózendegi túlekterdiń áreketi tekseriledi.
