Aqtóbede parashıýtpen sekirý oqý-jattyǵýynda kýrsant kóz jumdy

AQTÓBE. KAZINFORM – Qazirgi kezde qylmystyq is qozǵalyp, tergeý júrip jatyr.

Oqıǵa 15 shilde kúni boldy. QR QK Áýe qorǵanysy kúshteri áskerı ınstıtýtynyń baspasóz qyzmeti taratqan aqparatqa súıensek, kýrsant josparly oqý-jattyǵý kezinde parashıýtpen sekirgen. Sol kezde alǵan jaraqatynan oqıǵa ornynda mert boldy.

- Aldyn ala aqparatqa sáıkes sekirý kezinde áskerı qyzmetshiniń parashıýti ashylmaı qalyp, orny tolmas qazaǵa sebep boldy. Osy fakti boıynsha qylmystyq is qozǵaldy. Oqıǵanyń mán-jaıyn anyqtaý úshin tergeý júrgizilip jatyr. Áskerı ınstıtýt pen Áýe qorǵanysy kúshteriniń qolbasshylyǵy qaza tapqan kýrsanttyń týǵan-týystaryna qaıǵyryp kóńil aıtady. Olarǵa barlyq qajetti kómek kórsetiledi,- dep habarlady QR QK Áýe qorǵanysy kúshteri áskerı ınstıtýtynyń baspasóz qyzmeti.

Aıta keteıik, byltyr qarashada Aqtóbe oblysy Mártók aýdany aýmaǵynda tikushaq qulady. Saldarynan bir áskerı qyzmetshi kóz jumdy.