Aqtóbede para bermek boldy dep aıyptalǵan prokýror isti toqtatýdy surady

AQTÓBE. QazAqparat - Aqtóbe qalalyq sotynda Qylmystyq kodekstiń «Para berý» baby boıynsha aıyptalyp jatqan Esentur Qadyrovtyń isine qatysty aldyn ala tyńdalym ótti. Burynǵy prokýror qylmystyq isti toqtatýdy surady, dep habarlaıdy QazAqparat tilshisi.
None
None

Tergeý kezinde birneshe zańsyzdyqtyń tirkelgenin aıtqan aıyptalýshy isti toqtatýdy surady.

«Men quqyq qorǵaý salasynda uzaq jyldar boıy jumys istep, basshylyq qyzmetti de atqardym. Іsti Bas prokýratýranyń arnaıy tergeý toby tergedi. Zańsyzdyqtar óte kóp. Oqıǵa tirkelgen avtokólikti tekserý kezinde vıdeojazba úzilip, hattaý isine kýá retinde qatystyrylatyn bógde adam bolmady. Hattamada jazba tehnıkalyq sebepterge baılanysty úzilgenin de jazylmaǵan. Adamdardyń quqyǵyn qorǵaýy tıis tergeýshiler meniń qorǵaýshymdy bir aı boıy sotaldy tergeý jumystaryna qatystyrmady. Sondyqtan biz sotqa eki ret aryz túsirip, mindetteý týraly sheshimge qol jetkizgen soń ǵana tergeýge qatysýǵa múmkindik aldyq»,- dedi aıyptalýshy Esentur Qadyrov.

Aıta keteıik, aldyn ala sot tyńdalymy kezinde burynǵy prokýrordyń qorǵaýshylary tergeý kezinde aıtylǵan 40 myń dollar aqshanyń eki apta boıy qaıda saqtalǵany belgisiz ekenin basa aıtty. Sebebi, kólik ishinen tárkilengen aqsha oqıǵa ornynda mórlenip, arnaıy qorapqa salynbaǵan. Ol aqshanyń bolǵanyna da kúmán keltirdi. Aldyn ala tyńdalym kezinde aıyptalýshy Esentur Qadyrovtyń jubaıy Qadyrova da sóz sóıledi. Ol isti toqtatýdy surady. 37 jastaǵy prokýrorǵa aıyp taǵylǵanǵa deıin ol nemquraılylyq tanytqany úshin jumysynan shettetilgen bolatyn. Keıin jumystan shyǵaryldy. Aıyptalýshynyń eki balasy bar. Ol Qyrǵyzstan elinde dúnıege kelgen.

Іs materıalyna súıensek, Esentur Qadyrov ótken jyldyń 14 qarashasy kúni ustaldy. Aıyptalýshy ózine qatysty qylmystyq isti toqtatý úshin Bas prokýratýranyń tergeý tobyna para berýge sheshim qabyldaǵan. Tergeý toby para berý kezinde aıyptalýshyny tutqyndady.

Basty sot otyrysy 11 sáýirde bolady.

Сейчас читают