Aqtóbede para alǵan qala ákimi sottaldy

AQTÓBE. KAZINFORM — Hromtaý qalasynyń ákimi Saǵyndyq Shabyqbaev Qylmystyq kodekstiń «Para alý» baby boıynsha aıypty dep tanyldy. Ol 11,3 mln teńge aıyppul tóleıdi.

Іs Hromtaý aýdandyq sotynda qaraldy. Qala ákimi Saǵyndyq Shabyqbaevqa Qylmystyq kodekstiń «Para alý» baby, al aqtóbelik Nurbek Qazbekke Qylmystyq kodekstiń «Para alý», «Qorqytyp alý» baptary boıynsha aıyp taǵyldy.

Іs materıalyna súıensek, sottalýshy N.Qazbek qazan aıynda abattandyrý, jóndeý jumystaryn mindetine alǵan merdigerge ózi arqyly Hromtaý qalasynyń ákimi S. Shabyqbaevqa 400 myń teńge, al ózine 1 100 000 teńge para berýin talap etken. Eger ózi aıtqan ýaqytta aqshany bermese, kúsh qoldanatynyn aıtyp, qorqytqan. Sóıtip sottalýshy jábirlenýshige 700 000 teńge shyǵyn keltirgen.

Sot otyrysy kezinde jábirlenýshi sottalýshy N.Qazbektiń osy isine keshirimmen qarady. ıAǵnı Qylmystyq kodekstiń 194-babynyń 1-bóligi qysqartylyp, sottalýshy tek para alǵany úshin jaýap berdi.

Eki sottalýshy da ózine taǵylǵan aıypty moıyndady.

— Jasaǵan isime tolyq ókinemin. Maǵan taǵylǵan aıypqa tolyq kelisemin jáne kinámdi moıyndaımyn. Jazany aıyppulmen óteýdi ótinemin, — dedi sottalýshy Saǵyndyq Shabyqbaev.

Sot qysqartylǵan tártipte qaralyp, jaryssózden keıin birden úkim shyqty. Sot úkimimen eki sottalýshy da aıypty dep tanyldy.

— Saǵyndyq Shabyqbaev Qylmystyq kodekstiń 366-baby 2-bóligimen kináli dep tanylyp, memlekettik, sýdıa, jergilikti ózin-ózi basqarý organdarynda qyzmet etý quqyǵynan ómir boıyna aıyrylsyn. Alǵan paranyń 30 eselengen somasy, ıaǵnı, 12 mln teńge aıyppul jazasy taǵaıyndalsyn. Kúzetpen ustaý ýaqytyn eskerip, túpkilikti 11 355 151 teńge aıyppul jazasy taǵyıyndalsyn. Nurbek Qazbek Qylmystyq kodekstiń 28-baby 5-bóligi, 366-baby 2-bóligimen aıypty dep tanylyp, múlkin tárkileýsiz memlekettik, kvazımemlekettik sektorda qyzmet atqarý quqyǵynan ómir boıyna aıyryp, alǵan paranyń 30 eselengen somasy, ıaǵnı, 12 mln teńge mólsherinde aıyppul jazasy taǵaıyndalsyn. 12 mln teńge aıyppul jazasynan kúzetpen ustaý ýaqyty, ıaǵnı, 660 576 teńge azaıtylyp, túpkilikti 11 339 424 teńge aıyppul jazasy taǵaıyndalsyn, — dedi sýdıa E.Baqytjan. 

Eki sottalýshy da sot zalynan bosatyldy.

Eske salsaq, Hromtaý qalasynyń ákimi Saǵyndyq Shabyqbaev qarasha aıynda para aldy degen kúdikpen ustaldy. Ol tergeý aıaqtalǵansha tergeý ızolıatorynda otyrdy.