Aqtóbede para alǵan áskerı qyzmetkerge qatysty sot úkimi shyqty
AQTÓBE. QazAqparat - Aqtóbe oblystyq Qorǵanys isteri jónindegi departamenttiń burynǵy bastyǵy Ǵalymjan Jantórın 40 myń teńge para alǵany úshin 2 mıllıon teńge aıyppul tóleıdi, dep habarlaıdy QazAqparat tilshisi.
«Ǵalymjan Jantórın Qylmystyq kodekstiń «Para alý» baby boıynsha aıypty dep tanylyp, oǵan 2 mıllıon teńge aıyppul túrindegi jaza taǵaıyndalǵan. Ózine tıesili jeke múlki tárkilenip, memlekettik qyzmette, quqyq qorǵaý salasynda jumys isteý quqyǵynan ómir boıyna aıyrylsyn»,- dedi sýdıa Bekbolat Tájimuqan.
Aıta keteıik, Qorǵanys isteri jónindegi oblystyq departamenttiń burynǵy bastyǵy polkovnık sheninen de aıyryldy. Ol buǵan deıin 7 mıllılon teńge kepil aqsha tólep, bir jyl boıy úıqamaqta otyrǵan bolatyn. Sot úkimi zańdy kúshine engen soń ol bir aı ishinde aıyppuldy tóleýi tıis. Sonymen qatar, 92 myń teńgeden astam memlekettik shyǵyndy tóleýi tıis.
Eske salsaq, 2016 jyldyń maýsymynda Sybaılas jemqorlyqqa qarsy is-qımyldar ulttyq bıýrosynyń oblystyq departamenti Aqtóbe oblysynyń Qorǵanys isteri jónindegi departament bastyǵy, polkovnık G. Jantórındi ustaǵan bolatyn.
